ಬಣ್ಣಗಳು ಕೇವಲ ಕಣ್ಣಿಗೆ ಹಬ್ಬವಲ್ಲ, ಅವು ನಮ್ಮ ಗ್ರಹಗತಿಗಳ ಮೇಲೆ ಬಲವಾದ ಪ್ರಭಾವ ಬೀರುತ್ತವೆ. ಪ್ರತಿಯೊಂದು ಬಣ್ಣಕ್ಕೂ ಒಂದು ಗ್ರಹದ ಅಧಿಪತ್ಯವಿರುತ್ತದೆ. ಅದರಂತೆ ‘ಕಪ್ಪು’ ಎಂದರೆ ಅದು ನ್ಯಾಯದೇವತೆ ಶನಿ ದೇವನ ಸಂಕೇತ. ಆದರೆ, ಶನಿ ದೇವನಿಗೆ ಪ್ರಿಯವಾದ ಈ ಬಣ್ಣ ಎಲ್ಲರಿಗೂ ಸಿದ್ದಿಸುವುದಿಲ್ಲ. ಕೆಲವು ರಾಶಿಯವರು ಕಪ್ಪು ಬಟ್ಟೆ ಧರಿಸುವುದರಿಂದ ಜೀವನದಲ್ಲಿ ಅಡೆತಡೆಗಳು ಮತ್ತು ನಕಾರಾತ್ಮಕತೆ ಎದುರಾಗಬಹುದು. ಆ ರಾಶಿಗಳು ಯಾವುವು ಎಂದು ಇಲ್ಲಿ ತಿಳಿಯಿರಿ.
1. ಮೇಷ ರಾಶಿ: ಕೋಪಕ್ಕೆ ದಾರಿಯಾಗಬಹುದು ಕಪ್ಪು!
ಮೇಷ ರಾಶಿಯ ಅಧಿಪತಿ ಮಂಗಳ. ಮಂಗಳ ಅಗ್ನಿ ತತ್ವದ ಗ್ರಹವಾದರೆ, ಶನಿ ವಾಯು ತತ್ವದ ಗ್ರಹ. ಇವರಿಬ್ಬರ ನಡುವೆ ಮಿತ್ರತ್ವವಿಲ್ಲ. ಹೀಗಾಗಿ ಮೇಷ ರಾಶಿಯವರು ಕಪ್ಪು ಬಟ್ಟೆ ಧರಿಸುವುದರಿಂದ ಅನಗತ್ಯವಾಗಿ ಕೋಪ ಹೆಚ್ಚಾಗುವುದು, ಮಾಡುವ ಕೆಲಸಗಳಲ್ಲಿ ವಿಳಂಬವಾಗುವುದು ಮತ್ತು ಮಾನಸಿಕ ಅಶಾಂತಿ ಎದುರಾಗುವ ಸಾಧ್ಯತೆ ಇರುತ್ತದೆ.
2. ಕಟಕ ರಾಶಿ: ಮನಸ್ಸಿನ ಮೇಲೆ ಒತ್ತಡ
ಚಂದ್ರನ ಆಧಿಪತ್ಯದ ಕಟಕ ರಾಶಿಯವರು ಬಹಳ ಮೃದು ಮತ್ತು ಭಾವುಕ ಸ್ವಭಾವದವರು. ಕಪ್ಪು ಬಣ್ಣವು ನಕಾರಾತ್ಮಕ ತರಂಗಗಳನ್ನು ಬೇಗನೆ ಹೀರಿಕೊಳ್ಳುತ್ತದೆ. ಆದ್ದರಿಂದ ಕಟಕ ರಾಶಿಯವರು ಕಪ್ಪು ಬಟ್ಟೆ ಧರಿಸಿದರೆ ಬೇಗನೆ ಖಿನ್ನತೆ ಅಥವಾ ಮಾನಸಿಕ ಒತ್ತಡಕ್ಕೆ ಒಳಗಾಗಬಹುದು. ಇವರಿಗೆ ಬಿಳಿ ಅಥವಾ ತಿಳಿ ಬಣ್ಣಗಳು ಸದಾ ಹಿತಕರ.
3. ಸಿಂಹ ರಾಶಿ: ಆತ್ಮವಿಶ್ವಾಸಕ್ಕೆ ತಡೆ
ಸಿಂಹ ರಾಶಿಯ ಅಧಿಪತಿ ಸೂರ್ಯ. ಜ್ಯೋತಿಷ್ಯದ ಪ್ರಕಾರ ಸೂರ್ಯ ಮತ್ತು ಶನಿ ಪರಸ್ಪರ ವಿರೋಧಿಗಳು. ಸೂರ್ಯನ ತೇಜಸ್ಸು ಹೊಂದಿರುವ ಈ ರಾಶಿಯವರು ಕಪ್ಪು ಬಣ್ಣ ಬಳಸುವುದರಿಂದ ಅವರ ಆತ್ಮವಿಶ್ವಾಸ ಕುಗ್ಗಬಹುದು ಮತ್ತು ಸಮಾಜದಲ್ಲಿ ಗೌರವದ ಮೇಲೆ ಪ್ರಭಾವ ಬೀರಬಹುದು.
4. ವೃಶ್ಚಿಕ ರಾಶಿ: ಆರೋಗ್ಯ ಮತ್ತು ಪ್ರಗತಿಗೆ ಅಡ್ಡಿ
ಮಂಗಳನ ಪ್ರಭಾವವಿರುವ ವೃಶ್ಚಿಕ ರಾಶಿಯವರಿಗೂ ಕಪ್ಪು ಬಣ್ಣ ಅಷ್ಟೊಂದು ಶುಭದಾಯಕವಲ್ಲ. ಕಪ್ಪು ಬಟ್ಟೆಯ ಅತಿಯಾದ ಬಳಕೆ ಇವರ ವೃತ್ತಿಜೀವನದ ಪ್ರಗತಿಯಲ್ಲಿ ವಿಳಂಬ ಉಂಟುಮಾಡಬಹುದು ಮತ್ತು ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರಬಹುದು ಎಂದು ಹೇಳಲಾಗುತ್ತದೆ.
5. ಧನು ರಾಶಿ: ಸಕಾರಾತ್ಮಕತೆ ದೂರಾಗಬಹುದು
ಗುರುವಿನ ಆಧಿಪತ್ಯವಿರುವ ಧನು ರಾಶಿಯವರು ಜ್ಞಾನ ಮತ್ತು ಸಕಾರಾತ್ಮಕತೆಯ ಸಂಕೇತ. ಕಪ್ಪು ಬಣ್ಣವು ಇವರ ಸೃಜನಶೀಲ ಆಲೋಚನೆಗಳಿಗೆ ತಡೆಯೊಡ್ಡಬಹುದು. ಇವರು ಹೆಚ್ಚಾಗಿ ಹಳದಿ, ಕೇಸರಿ ಅಥವಾ ತಿಳಿ ಬಣ್ಣಗಳನ್ನು ಬಳಸುವುದರಿಂದ ಅದೃಷ್ಟ ಒಲಿಯಲಿದೆ.
“ಹಣ ಉಳಿಸೋದ್ರಲ್ಲಿ ಇವರು ‘ನಿಸ್ಸೀಮರು’! ಈ 5 ರಾಶಿಯವರ ಹತ್ತಿರ ದುಡ್ಡು ಯಾವತ್ತೂ ಖಾಲಿ ಆಗಲ್ಲ; ನಿಮ್ದು ಇದೇ ರಾಶಿನಾ?”
