ಮಂಡ್ಯ: ‘ತಿಥಿ‘ ಸಿನಿಮಾ ಮೂಲಕ ಜಗತ್ತಿನಾದ್ಯಂತ ಮನೆಮಾತಾಗಿದ್ದ ಶತಾಯುಷಿ ಕಲಾವಿದ ಸಿಂಗ್ರೆಗೌಡ (ಸೆಂಚುರಿ ಗೌಡ) ನಿಧನರಾಗಿದ್ದಾರೆ.
ಮಂಡ್ಯ ಜಿಲ್ಲೆಯ ಪಾಂಡವಪುರ ತಾಲೂಕಿನ ಸಿಂಗ್ರೆಗೌಡನ ಕೊಪ್ಪಲು ಗ್ರಾಮದ ನಿವಾಸಿಯಾಗಿದ್ದ ಇವರು, ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದರು. ಕಳೆದ ರಾತ್ರಿ ತಮ್ಮ ನಿವಾಸದಲ್ಲಿ ಕೊನೆಯುಸಿರೆಳೆದಿರುವುದು ಚಿತ್ರರಂಗಕ್ಕೆ ಮತ್ತು ಅವರ ಅಭಿಮಾನಿಗಳಿಗೆ ತೀವ್ರ ನೋವುಂಟು ಮಾಡಿದೆ.
ಸಿನಿಮಾದಲ್ಲೂ ನಿಜ ಬದುಕು ಕಂಡ ಕಲಾವಿದ: 2015ರಲ್ಲಿ ತೆರೆಕಂಡಿದ್ದ ರಿಯಲಿಸ್ಟಿಕ್ ಸಿನಿಮಾ **’ತಿಥಿ’**ಯಲ್ಲಿ ಇವರು ಅಭಿನಯಿಸಿದ್ದ ‘ಸೆಂಚುರಿ ಗೌಡ’ ಪಾತ್ರ ಇಂದಿಗೂ ಜನರ ಕಣ್ಣ ಮುಂದೆ ಹಸಿರಾಗಿದೆ. ಚಿತ್ರದಲ್ಲಿ 100 ವರ್ಷ ಪೂರೈಸಿ ನಿಧನರಾಗುವ ಪಾತ್ರ ಮಾಡಿದ್ದ ಇವರು, ನಿಜ ಜೀವನದಲ್ಲೂ 100 ವರ್ಷ ದಾಟಿದ ಶತಾಯುಷಿಯಾಗಿದ್ದರು. ಇದೇ ಕಾರಣಕ್ಕೆ ಸ್ಯಾಂಡಲ್ವುಡ್ನಲ್ಲಿ ಇವರು ‘ಸೆಂಚುರಿ ಗೌಡ’ ಎಂದೇ ಜನಪ್ರಿಯರಾಗಿದ್ದರು.
ಅಂತ್ಯಕ್ರಿಯೆ ಇಂದು: ಕೆಲವು ದಿನಗಳಿಂದ ಅನಾರೋಗ್ಯ ಪೀಡಿತರಾಗಿದ್ದ ಇವರು ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟಿದ್ದಾರೆ. ಇಂದು ಅವರ ಸ್ವಗ್ರಾಮವಾದ ಸಿಂಗ್ರೆಗೌಡನ ಕೊಪ್ಪಲಿನಲ್ಲಿ ಅಂತ್ಯಕ್ರಿಯೆ ನೆರವೇರಲಿದೆ. ರಾಷ್ಟ್ರ ಹಾಗೂ ಅಂತರಾಷ್ಟ್ರೀಯ ಮಟ್ಟದಲ್ಲಿ ಹಲವು ಪ್ರಶಸ್ತಿಗಳನ್ನು ಗೆದ್ದಿದ್ದ ‘ತಿಥಿ’ ಸಿನಿಮಾಗೆ ಇವರ ಅಭಿನಯ ದೊಡ್ಡ ಶಕ್ತಿಯಾಗಿತ್ತು.
.ಇದನ್ನೂ ಓದಿ: ದಿನ ಭವಿಷ್ಯ 05-01-2026
