ವಿವೇಕವಾರ್ತೆ : ಚಿತ್ರದುರ್ಗ ಜಿಲ್ಲೆಯ ಹೊಳಲ್ಕೆರೆ ತಾಲ್ಲೂಕಿನ ಕೊಳಾಳ್‌ ಗ್ರಾಮದಲ್ಲಿ ಮೊಬೈಲ್ ಕಳೆದುಕೊಂಡಿದ್ದ ಯುವಕನಿಗೆ ಅಜ್ಜ ಇನ್ನೊಂದು ಮೊಬೈಲ್ ಕೊಡಿಸಲು ನಿರಾಕರಿಸಿದ್ದು ಇದರಿಂದ ಮನನೊಂದ ಯುವಕ ಆತ್ಮಹತ್ಯೆ ಮಾಡಿಕೊಂಡ ದುರ್ಘಟನೆ ಸಂಭವಿಸಿದೆ.
ಆತ್ಮಹತ್ಯೆ ಮಾಡಿಕೊಂಡ ಯುವಕ ಯಶವಂತ್‌ ಎಂದು ತಿಳಿದುಬಂದಿದೆ.
ಮಹಾಗಣಪತಿ ಶೋಭಾಯಾತ್ರೆಯಲ್ಲಿ ಪಾಲ್ಗೊಂಡಿದ್ದ ವೇಳೆ ಯಶವಂತ್‌ ಮೊಬೈಲ್ ಕಳೆದುಕೊಂಡಿದ್ದನು. ಹೀಗಾಗಿ, ಆತ ಹೊಸ ಮೊಬೈಲ್ ಕೊಡಿಸು ಅಂತ ಅಜ್ಜನನ್ನು ಕೇಳಿದ್ದ. ಈಗ ನನ್ನ ಕಡೆ ದುಡ್ಡಿಲ್ಲ, ಈರುಳ್ಳಿ ಬೆಳೆ ಬಂದ ಮೇಲೆ ಮೊಬೈಲ್ ಕೊಡಿಸ್ತಿನಿ ಎಂದು ಅಜ್ಜ ಹೇಳಿದ್ದರು ಎನ್ನಲಾಗಿದೆ.
ಇದರಿಂದ ಮನನೊಂದಿದ್ದ ಯುವಕ ಅಕ್ಟೋಬರ್‌ 18ರಂದು ಮನೆಯಲ್ಲಿ ರಾಸಾಯನಿಕ ಕುಡಿದಿದ್ದ.
ಯಶವಂತ್‌ನನ್ನು ತಕ್ಷಣ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೆ ಆತ ಮೃತಪಟ್ಟಿದ್ದಾನೆ ಎಂದು ತಿಳಿದುಬಂದಿದೆ.